Antonelli: "Yeni bolidlər gənc pilotlara uğur qapılarını açır!"

“Mercedes” komandasının pilotu Andrea Kimi Antonelli “Formula-1” üzrə dünya çempionatında tətbiq olunacaq yeni texniki qaydaların gənc pilotlara üstünlük verə biləcəyini bildirib. 

TodayPress TV xəbər verir ki, bu barədə “Motorsport” nəşri məlumat yayıb.

Onun sözlərinə görə, karyerasının əvvəlində tez-tez fərqli bolidlərə uyğunlaşmaq məcburiyyətində qalan sürücülər yeni maşınlara daha sürətli adaptasiya olmağa öyrəşiblər.

Antonelli əlavə edib ki, yeni bolidlərin təqdim olunması faktiki olaraq bütün pilotlar üçün “yenidən başlanğıc” deməkdir, çünki əvvəlki reqlament dövründə təcrübəli sürücülər avtomobillərin xüsusiyyətlərini illərlə təkmilləşdirmişdilər. Yeni qaydalar balansı dəyişərək adaptasiya qabiliyyətini əsas faktorlardan birinə çevirir.

Pilot qeyd edib ki, bu dəyişiklik gənc sürücülər üçün əlavə imkanlar yaradır, çünki onlar yeni bolidlərin davranışını daha sürətli öyrənərək üstünlük əldə edə bilərlər.

Namiq HUN