Ukraynada 12 illik təhsil sistemi tətbiq ediləcək

Ukraynada 12 illik təhsilin tətbiqi üzrə eksperiment bu il sentyabrın 1-dən başlayır.

TodayPress TV xəbər verir ki, bu barədə Ukrayna Ali Radasının Təhsil Komitəsinin rəhbəri Sergey Babak məlumat yayıb.

Məlumata görə, bu, Ukraynanın Qərb dövlətləri ilə yaxınlaşması, Rusiya və Belarusa bənzəməməsi üçün edilir.

Eksperiment çərçivəsində Ukrayna məktəblərində yeni proqramların sınaqdan keçirilməsi aparılacaq ki, bu da onun sözlərinə görə, iki təhsil sahəsini, yəni akademik və peşəkar təhsili nəzərdə tutur.

12 illik sistemə keçmək zərurətini əsaslandıran Babak, xüsusilə, Ukraynanın Qərb dövlətləri ilə yaxınlaşmaq istəyini qeyd edib.