Türk Hava Yolları 225 yeni "Boeing" təyyarəsi alacaq
Türk Hava Yolları (THY) donanmasını 225 ədəd yeni "Boeing" təyyarəsi ilə genişləndirməyi planlaşdırır.
TodayPress TV xəbər verir ki, bu barədə "The Independent" yazır.
Şirkətin bəyanatına görə, bu, aviaşirkətin tarixində ən böyük təyyarə sifarişlərindən biridir.
Saziş çərçivəsində 75 ədəd "Boeing B787-9" və "B787-10" (uzun məsafəli, yanacaq qənaətcil təyyarələr), 150 ədəd "737-8" və "737-10 MAX" (orta məsafəli sərnişin təyyarələri) alınacaq.
Müqavilə üzrə çatdırılmalar 2029-2034-cü illər üçün nəzərdə tutulub.
Şirkət bildirib ki, bu təyyarələr xüsusilə beynəlxalq marşrutlar üçün nəzərdə tutulub və müasir texnologiyalarla təchiz olunub.
Türkan İsgəndərli
