“Telegram”da problem yaşandı
“Telegram”ın t.me formatlı keçidləri dünya üzrə brauzerlərdə işləməməklə bağlı problemlə üzləşib.
TodayPress TV xəbər verir ki, məlumata görə, istifadəçilər bu keçidlər vasitəsilə artıq Telegram tətbiqinə yönləndirilmir. Profil kanalların iddiasına əsasən, “t.me” ünvanı “.me” domen zonasının DNS reyestrindən tamamilə silinib. Bunun səbəbi hələlik məlum deyil.
Bildirilir ki, “.me” domen zonasının operatoru Monteneqroda fəaliyyət göstərən şirkətdir.
Bununla yanaşı, “t.me” keçidləri Telegram tətbiqinin daxili brauzeri vasitəsilə işləməyə davam edir.
