Putin və Trampın görüşünün vaxtı açıqlandı

Rusiya Prezidenti Vladimir Putin və ABŞ Prezidenti Donald Tramp arasında görüş gələn həftənin sonuna planlaşdırılır.

TodayPress TV xəbər verir ki, bu barədə "Fox News" məlumat yayıb.

Danışıqlar üçün mümkün məkanlar arasında Macarıstan, İsveçrə, BƏƏ və İtaliya göstərilir. Avqustun 8-də yayılan məlumatlara əsasən, görüşün Romada baş tutması ehtimalı daha yüksəkdir.

Bildirilir ki, Moskva və Vaşinqton artıq görüş barədə razılığa gəliblər və yer də müəyyənləşib.

Görüşdə əsas müzakirə mövzuları kimi Ukrayna müharibəsi, beynəlxalq təhlükəsizlik və gələcək siyasi əməkdaşlıq gözlənilir.

Türkan İsgəndərli