Netanyahu Makronun İsrailə səfərinə icazə vermədi
İsrailin Baş naziri Benyamin Netanyahu Fransanın Prezidenti Emmanuel Makronun ölkəyə səfər etmək istəyinə rədd cavabı verib.
TodayPress TV xəbər verir ki, bu addım Makronun sentyabrda BMT Baş Assambleyasında Fələstini tanıyacağına dair açıqlamasından sonra gəlib.
Fransız-İsrail əsilli keçmiş siyasətçi Meyer Habib “Kan” telekanalına müsahibəsində Makronun Netanyahuyla görüş arzusu barədə mesaj göndərdiyini, lakin Baş nazirin “indiki şərait uyğun vaxt deyil” cavabını verdiyini bildirib.
Xatırladaq ki, Emmanuel Makron 24 iyulda Fransa hökumətinin rəsmi şəkildə Fələstin dövlətini tanıyacağını açıqlamışdı. O, bu qərarı Yaxın Şərqdə ədalətli və davamlı sülhə sadiqliyi ilə izah etmişdi.
Qiymət Mahir
