Makron ölümlə təhdid olunur

Fransa hüquq-mühafizə orqanları ölkə Prezidenti Emmanuel Makrona yönəlmiş təhdidlərlə bağlı rəsmi istintaqa başlayıb.

TodayPress TV xəbər verir ki, bu barədə "AFP" Paris Prokurorluğuna istinadən məlumat yayıb.

Bildirilib ki, sözügedən təhdidlər David Daniel Koen adlı şəxs tərəfindən "YouTube" platformasında yayımlanmış videoda səsləndirilib.

“Respublika prezidentinə qarşı ölüm təhdidi ilə bağlı istintaq başladılıb”, – deyə Paris Prokurorluğu agentliyə açıqlamasında bildirib.

Cinayət işi, videomateriala Fransanın daxili işlər naziri Brüno Retayo diqqət yetirdikdən sonra açılıb. Prokurorluqdan bildirilib ki, istintaq məhkəmə polisinin kriminal axtarış briqadasına həvalə edilib.

Töhfə Səməd