Korrupsiyaya qarşı aksiya: 49 nəfər saxlanıldı
Manilada korrupsiyaya qarşı keçirilən dinc aksiyada polis ilə etirazçılar arasında toqquşma baş verib.
TodayPress TV "Politico"ya istinadən xəbər verir ki, toqquşmalarda 49 nəfər həbs olunub, təxminən 70 polis əməkdaşı xəsarət alıb.
Etirazçılar ölkədə daşqınla mübarizə layihələrində baş verən korrupsiya qalmaqalına etiraz ediblər. Onlar millət vəkilləri, dövlət məmurları və tikinti şirkətlərinin vəsaitləri mənimsədiyini bildiriblər.
Polis etirazçılardan bəzilərinin prezident sarayına aparan yolları bağladığını, daş və “Molotov kokteyli” atdığını açıqlayıb. Hücum zamanı banklara, restoranlara və mehmanxanalara ziyan dəydiyi deyilir.
Jalə Rövşən
