İmamoğlu məhkəmə qarşısına çıxdı
İstanbul Böyükşəhər Bələdiyyəsinin sabiq sədri Əkrəm İmamoğlunun cinayət işi üzrə ikinci məhkəmə iclası keçirilib.
TodayPress TV Türk mətbuatına istinadən xəbər verir ki, proses Marmara 1-ci Ağır Cəza Məhkəməsində baş tutub.
Qeyd edək ki, İmamoğlu yanvarın 27-də keçirilən mətbuat konfransında istintaq və ictimai işlərlə məsul ekspert olan şahidi hədəf almaqda ittiham olunur.
Ona qarşı “məhkəmə məmuruna, ekspertə və ya şahidə təsir etmək cəhdi” maddəsi ilə cinayət işi açılıb.
İclasda İmamoğlu ilk müdafiəsini edib.
Proses dekabrın 12-nə qədər təxirə salınıb. Məhkəməni Cümhuriyyət Xalq Partiyasının (CHP) sədri Özgür Özəl, Özgür Çelik, Dilek İmamoğlu və çoxsaylı tərəfdar izləyib.
Jalə Rövşən
