Brüssel hava limanı kiberhücuma məruz qaldı
Brüsselin Zaventem Beynəlxalq Hava Limanı kiberhücuma məruz qalıb.
TodayPress TV-nin məlumatına görə, “RİA Novosti” xəbər verir ki, bu barədə hava limanının administrasiyası məlumat yayıb.
"Cümə günü axşam qeydiyyat və təyyarəyə minmə sisteminin provayderinə kiberhücum baş verib və bu, Avropanın bir neçə hava limanına, o cümlədən Brüssel hava limanına təsir edib. Hazırda araşdırma aparılır. Xidmət provayderi problemin həlli üçün fəal işləyir və onu mümkün qədər tez həll etməyi hədəfləyir", - məlumatda deyilir.
Qeyd edək ki, hazırda sərnişinlərin qeydiyyatı əl ilə aparılır.
Orxan Saffari
