ABŞ-də təyyarə qəzası nəticəsində 4 nəfər öldü
ABŞ-nin Arizona ştatının Çinl hava limanı yaxınlığında təyyarənin qəzaya uğraması nəticəsində 4 nəfər həlak olub.
TodayPress TV xəbər verir ki, bu barədə xarici KİV məlumat yayıb.
"Təxminən saat 12:40 (Bakı vaxtı ilə saat 23:40) radələrində Çinl hava limanı yaxınlığında kiçik təcili yardım təyyarəsi qəzaya uğrayıb və yanıb. Təyyarənin göyərtəsində dörd nəfər olub, heç biri yerli sakin deyil, onların öldüyü təsdiqlənib", - press-relizdə deyilir.
Nəqliyyatda Milli Təhlükəsizlik Şurası və Federal Aviasiya Administrasiyasının əməkdaşları qəzanı araşdırmaq üçün hadisə yerindədir. Qəzanın səbəbi hələ açıqlanmır.
