ABŞ Baltikyanı ölkələrə hərbi yardımı azaldacaq
ABŞ Baltikyanı ölkələrə (Latviya, Litva və Estoniyaya) hərbi yardımın prioritetlərini yenidən nəzərdən keçirməyi planlaşdırır.
TodayPress TV xəbər verir ki, bu barədə "Reuters" məlumat yayıb.
Məlumata görə, bu qərar Avropa diplomatları arasında narahatlıq yaradıb. Avqustun sonunda Pentaqon rəsmiləri Avropa nümayəndələri ilə görüşdə Baltikyanı ölkələrə təhlükəsizlik sahəsində dəstəyin məhdudlaşdırılacağını bildiriblər.
ABŞ rəsmisi Devid Beyker qeyd edib ki, Avropa artıq ABŞ-dən asılılığı azaltmalı, Amerika isə əsas diqqətini öz ərazisinin müdafiəsinə yönəltməlidir.
Türkan İsgəndərli
