Azərbaycanın daha bir rayonunda ehsan süfrəsi ləğv edildi

Bərdədə yas mərasimlərində dəbdəbəli ehsan verilməsi ləğv edilib.

TodayPress TV xəbər verir ki, bu barədə Bərdənin axundu Hacı Ramazan Hüseynov "Teleqraf"a açıqlamasında bildirib.

Onun sözlərinə görə, artıq Bərdə rayonunda yas mərasimlərində sadəcə çay süfrəsi təşkil olunur.

"Çay süfrəsində çay, limon, xurma verilir. Bu gün şəhid qardaşının mərasimi oldu və ehsan verilmədi", - axund əlavə edib.

Xatırladaq ki, daha öncə Sabirabad, Saatlı, Samux, Biləsuvar, Quba, Kürdəmir, Şamaxı, Balakən rayonları və Naxçıvanın Mahmudkənd kəndində yas mərasimlərində ehsan verilməsi dayandırılıb.