Toral Bayramov AL-in tarixinə düşdü

“Qarabağ” klubunun futbolçusu Toral Bayramovun “Budo Qlimt”in qapısına vurduğu qol UEFA Avropa Liqasının (AL) 2024/2025 mövsümünün ən yaxşı 10 qolundan biri seçilib.

TodayPress TV UEFA-nın saytına istinadla xəbər verir.

Azərbaycan yığma komandasının və “Qarabağ” klubunun yarımmüdafiəçisi Toral Bayramovun Norveçdə “Budo Qlimt”in rəqib qapısından uzaq məsafədən keçirdiyi qol yeddinci yerə layiq görülüb.

UEFA-nın texniki müşahidə qrupunun hazırladığı 10 ən yaxşı qol siyahısında birinci yeri isə “Qalatasaray”ın yarımmüdafiəçisi Yunus Akgün tutur.

Namiq HUN