UEFA xəbərdarlıq etdi

UEFA “Araz-Naxçıvan” klubuna xəbərdarlıq edib.

TodayPress TV xəbər verir ki, buna komandanın UEFA Konfrans Liqasındakı oyunları səbəb olub.

Naxçıvan təmsilçisi Bakıda Yunanıstanın “Aris” kollektivinə qarşı keçirdiyi II təsnifat mərhələsinin matçlarına görə Avropa Futbol Assosiasiyaları İttifaqından  xəbərdarlıq alıb. 

Qurum hər iki qarşılaşmada “komandanın düzgün olmayan davranışına görə” kluba xəbərdarlıq verməli olub.

Səbəbi komandanın 8 futbolçusunun ilk matçda kobud oyuna görə sarı vərəqə almasıdır. Cavab qarşılaşmasında isə İqor Ribeyro qırmızı, altı komanda yoldaşı isə sarı vərəqə görüb.

Qeyd edək ki, Bakıda “Aris”i (2:1) üstələyən “Arax-Naxçıvan” səfərdə 2:2 hesablı heç-heçə edərək mərhələ adlamışdı.

(Sport24.az)

Namiq HUN