Hindistanlı memar WUF13-ün əhəmiyyətini izah etdi
Ətraf mühitə həssas memarlıq və davamlı inkişaf sahəsindəki fəaliyyətinə görə qlobal səviyyədə tanınan hindistanlı memar, urbanist və akademik Racendra Kumar son məqaləsində Azərbaycanın ev sahibliyi etdiyi Ümumdünya Şəhərsalma Forumunun 13-cü Sessiyasının (WUF13) nə üçün əhəmiyyətli olduğunu izah edib.
TodayPress TV xəbər verir ki, R. Kumarın bununla bağlı məqaləsi "TheAPN"də (The Architecture and Planning News) dərc olunub.
"İpək Yolunun üzərində yerləşən və İçərişəhər, Şirvanşahlar Sarayı və Şəkinin tarixi mərkəzi kimi irs abidələrində əks olunan şəhər ənənələri - hamısı öz memarlıq həyat keyfiyyətini yaxşılaşdırmaqla yanaşı, şəhər dayanıqlığını gücləndirməyə yönəlmiş yanaşmalar olacaq", - memar Azərbaycanın qədim memarlıq və şəhərsalma təcrübəsi və forumda müzakirə olunacaq mövzuları nəzərdə tutub.
Onun sözlərinə görə, WUF13-də iqlimə həssas urbanizasiyaya diqqət çəkiləcək. "İctimai infrastrukturu artan ekoloji risklərə, xüsusən də artıq iqlim dəyişikliyinin ağır təsirləri ilə üzləşən bölgələrə uyğunlaşdırmağın yolları araşdırılacaq", - R. Kumar bildirib.
Hindistanlı memarın fikrincə, iqlim maliyyəsi, şəhər idarəçiliyi və yerli tətbiqi əlaqələndirən müzakirələrin gələcək beynəlxalq şəhər siyasətlərini formalaşdırması ehtimal olunur: Forum həmçinin sürətlə inkişaf edən Bakı şəhərinin özünü anlamaq üçün vacib bir fürsət təqdim edir. Köhnə Şəhərdən Heydər Əliyev Mərkəzi və Alov Qüllələri kimi müasir simvollaradək, Bakı müasirləşməni mədəni kimlik və irsin qorunması ilə tarazlaşdırmağın mürəkkəbliklərini əks etdirir".
R. Kumar qeyd edir ki, Azərbaycanın COP29-a və ardınca WUF13-ə uğurla ev sahibliyi etməsi ölkənin davamlılıq, iqlim fəaliyyəti, memarlıq və gələcəyə hazır şəhər inkişafı üzrə beynəlxalq dialoqa artan sadiqliyini nümayiş etdirir. 2026-cı ilin "Şəhərsalma və Memarlıq İli" elan olunması ilə bağlı Azərbaycan Prezidentinin sərəncamı dayanıqlı və inklüziv şəhər böyüməsini irəlilədərkən xalqın öz memarlıq irsini gücləndirmək səyini daha da vurğulayır:
"Ağ Şəhər kimi müasir inkişaf layihələri və Şuşadakı əsas yenidənqurma layihələri ölkənin gələcək üçün davamlı və dayanıqlı şəhər mühitləri yaratmaq arzusununun göstəricisidir.
Hindistan şəhərləri üçün WUF13-dən irəli gələn müzakirələr xüsusilə aktual dır. Hindistan sürətlə urbanizasiyaya davam etdikcə, sərfəli mənzil, qeyri-rəsmi yaşayış məskənləri, ekoloji həssaslıq, hərəkətlilik və ictimai infrastrukturla bağlı çağırışlar inteqrasiya olunmuş və insan mərkəzli planlaşdırma yanaşmaları tələb edir. WUF13 kimi qlobal forumlar şəhərlərin mədəni kimliyi qoruyarkən və sosial bərabərliyi yaxşılaşdırarkən böyümə ilə davamlılıq arasında necə tarazlıq yarada biləcəyinə dair dəyərli dərslər təqdim edir.
Siyasi müzakirələrdən əlavə, forumun hökumətlər, universitetlər, dizayn institutları, tədqiqatçılar və yaradıcı mütəxəssislər arasında beynəlxalq əməkdaşlığı gücləndirməsi gözlənilir. Bu cür mübadilələr memarlıq və şəhər inkişafı sahəsində gələcək tərəfdaşlıqlara, akademik təşəbbüslərə, sərgilərə, nəşrlərə və mədəniyyətlərarası əməkdaşlığa səbəb ola bilər. Dünya artan şəhər böhranına praktik həllər axtararkən, Bakıdakı WUF13 şəhərlərin gələcəyinin yalnız infrastruktur və texnologiyadan deyil, həm də inklüzivlik, dayanıqlılıq, mədəni varislik və kollektiv qlobal fəaliyyətdən asılı olacağını vaxtında xatırladan bir hadisədir".
