Tədavüldə olan dövlət istiqrazlarının ümumi məbləği artdı

2024-cü ildə Azərbaycanda tədavüldə olan dövlət istiqrazlarının ümumi məbləği 2023-cü illə müqayisədə həcmi 47 % artaraq 9 milyard 353 milyon manata çatıb. 

Bu barədə TodayPress TV-yə Azərbaycan Mərkəzi Bankından məlumat verilib. 

Məlumata görə, ötən il Maliyyə Nazirliyi "Bakı Fond Birjası" QSC-də (BFB) dövlət istiqrazlarının yerləşdirilməsi üzrə 58 hərrac keçirib.

Əvvəlki ilə nisbətən dövlət istiqrazlarının ilkin bazarının məbləği 28 % artaraq 4 milyard 790 milyon manata yüksəlib. 

Bundan başqa, 2024-cü ildə AMB BFB-də not yerləşdirilməsi üzrə 93 hərrac keçirilib.

2023-cü illə müqayisədə notlarla aparılan bazar əməliyyatların məbləği 49 % azalaraq 1 milyard 988 milyon manat təşkil edib.