İlon Maskdan “Apple” və “OpenAI”yə qarşı məhkəmə iddiası

İlon Maska məxsus süni intellekt şirkəti “xAI”, “Apple” və “OpenAI”yə qarşı məhkəmə iddiası qaldırıb.  

TodayPress TV xəbər verir ki, Mask bu iki şirkətin “App Store”da inhisar yaratmaq üçün əməkdaşlıq etdiyini iddia edib. 

İddia ərizəsində qeyd olunub ki, “Apple” ilə “OpenAI” arasında imzalanmış xüsusi razılaşma səbəbindən “X” və “xAI” tətbiqləri “App Store”da arxa plana atılır. 

Həmçinin o bildirib ki, “ChatGPT”nin “Siri” və “Apple Intelligence”ə inteqrasiyası rəqib süni intellekt tətbiqlərinin görünməsini azaldır. “Apple” və “OpenAI”, “Grok” başda olmaqla “xAI” məhsullarını mağazada daha az önə çıxarır və bu da “X” platformasının və Maska məxsus digər tətbiqlərin sıralamalarda geri düşməsinə səbəb olur. 

Aysel Mətləb