Transfer söz-söhbətlərinə son: Vinisius qərarını açıqladı

“Real Madrid” klubunun vingeri Vinisius Junior müqaviləsinin uzadılması ilə bağlı fikirlərini bölüşüb.

TodayPress TV xəbər verir ki, o, bu barədə AS nəşrinə danışıb.

Braziliyalı futbolçu bildirib ki, komandada uzun müddət qalmaq niyyətindədir:

“Ümid edirəm ki, “Real”da uzun müddət qala biləcəyəm. Müqaviləmin bitməsinə bir il qalıb, amma çox sakitəm. Prezident Florentino Perez mənə güvənir. Münasib vaxtda müqaviləni uzadacağam, çünki bu, mənim arzum olan klubdur”.

Futbolçunun “kral klubu” ilə hazırkı müqaviləsi 2027-ci ilin iyununa qədər qüvvədədir. Onun transfer dəyəri 150 milyon avro olaraq qiymətləndirilir.

Qeyd edək ki, cari mövsümdə Vinisius Junior bütün turnirlərdə 44 oyunda iştirak edərək 17 qol vurub və 12 məhsuldar ötürmə edib.

Namiq HUN

TodayPress TV