“Leykers”ə ağır zərbə – Donçiç sıradan çıxdı!

Donçiç zədə sonrası Avropada bərpa prosesi keçəcək. 

TodayPress TV insayder Şems Çaraniyaya istinadən xəbər verir ki, “Los-Anceles Leykers” klubunun basketbolçusu Luka Donçiç aldığı zədədən sonra bərpa prosesini sürətləndirmək məqsədilə Avropaya yollanacaq.

Klubun tibbi heyəti və şəxsi həkimləri ilə məsləhətləşmələrdən sonra sloveniyalı basketbolçu bud nahiyəsinin ikinci dərəcəli zədəsinin müalicəsini Avropada davam etdirmək qərarına gəlib. Bu addım onun meydanlara daha tez qayıtmasına hesablanıb.

Bildirilib ki, Donçiçin bu mövsüm artıq ikinci dəfə oxşar zədə ilə üzləşməsi vəziyyəti daha da həssas edir.

Daha əvvəl qeyd olunmuşdu ki, basketbolçu ABŞ Milli Basketbol Assosiasiyasının “NBA) müntəzəm mövsümünün qalan hissəsini buraxacaq. O, fevral ayında da arxa bud əzələsinin dartılması səbəbindən bir müddət meydanlardan kənarda qalmışdı.

Namiq HUN

TodayPress TV