"İnter" Frendrupu transfer etmək niyyətindədir

İtaliyanın "İnter" klubu "Cenoa"nın yarımmüdafiəçisi Morten Frendrupun transferində maraqlıdır.

TodayPress TV xəbər verir ki, bu barədə "Gazzetta dello Sport" məlumat yayıb.

Bildirilib ki, 24 yaşlı danimarkalı futbolçu komandadan ayrılacağı gözlənilən Pyotr Zelinskinin mümkün əvəzləyicisi kimi nəzərdən keçirilir.

Daha əvvəl də "İnter" Frendrupun namizədliyini qiymətləndirmiş, lakin bir müddət maraq zəifləməşdi. Zelinskinin vəziyyəti ilə bağlı klub bu məsələyə yenidən qayıdıb.

Qeyd edək ki, 2024/25 mövsümündə Frendrup 37 oyunda 2 qol vurub. Onun "Cenoa" ilə müqaviləsi 30 iyun 2028-ci ilədək qüvvədədir.

"Transfermarkt" futbolçunun bazar dəyərini 20 milyon avro olaraq qiymətləndirir.

Töhfə Səməd