“Houston”un baş məşqçisi Durantı yüksək qiymətləndirdi

“Houston Rockets” klubunun baş məşqçisi İme Udoka, ABŞ Milli Basketbol assosiasiyasnın (NBA) müntəzəm mövsümündə “New Orleans Pelicans”a qarşı 119:110 hesabı ilə qazandıqları oyundan sonra komandasının forvardı Kevin Durant haqqında fikirlərini bölüşüb. 

TodayPress TV xəbər verir ki, oyunda Durant, liqa tarixində ən çox xal toplayan oyunçular siyahısında altıncı pilləyə yüksələrək Dirk Nowitzkini geridə qoyub. 

Udoka hesab edir ki, gələcəkdə Durant bir çox rekordlar qura bilər. O, komandası üçün əvəzolunmaz oyunçudur:

“Kevin Durant həqiqətən komandamız üçün istisna bir oyunçudur. Hazırda NBA-nın ən yaxşı snayperləri siyahısında altıncı yerdədir. O, atışlarla heç vaxt tələsik davranmır, xüsusən də oyunun əvvəlində. İki oyunçu ilə təzyiq göstərildikdə düzgün qərar qəbul edir və həmişə düzgün oyunu tapır. Kevin həmişə doğru oynayır. Təşəbbüsü təkbaşına götürmür və yalnız zəruri hallarda izolasiya vəziyyətinə düşmür. O, anlayır ki, cüt müdafiə məsələsi zaman məsələsidir və demək olar ki, həmişə düzgün qərar verir, hücumu yoldaşlarına etibar edir”. 

Udoka Durantın özünü meydanda necə göstərdiyini də vurğulayıb:

“O, meydanda çox fədakardır, həmişə ötürməyə hazırdır. Artıq arxasında çoxsaylı nailiyyətlər var, buna görə də hər şeyi birdən etməyə tələsmir. Məsələn, yaxınlarda Dirk Nowitzkini geridə qoydu. Ən önəmlisi, o, həmişə düzgün basketbol nümayiş etdirir, hisslərə və gərginliyə qapılmır. Əminəm ki, onun qarşısında hələ çox yeni rekordlar var. Belə oyunçunun komandamızda olması böyük uğurdur”.

Namiq HUN

TodayPress TV