“Bir səhv və hər şey bitir!” – Umtitidən diqqətçəkən açıqlama
Fransalı sabiq futbolçu Samuel Umtiti Kilian Mbappenin mərkəz müdafiəçiləri ilə bağlı qalmaqallı fikirlərinə münasibət bildirib.
TodayPress TV xəbər verir ki, bu barədə “RMС Sport” nəşri məlumat yayıb.
Xatırladaq ki, “Real Madrid” klubunun hücumçusu Mbappe bu mərkəz müdafiəçisi mövqeyini futbolun ən asan rolu adlandırmış və arxa xətt oyunçularının 40 yaşa qədər oynaya bilməsini buna əsas gətirmişdi.
Umtiti isə bu fikirlə razılaşmayıb:
“Bu sözləri tez-tez hücumçular deyir. Amma müdafiədə hər şey fərqlidir. Bir səhv edirsən və dərhal cəzasını çəkirsən – bu, ən çətin mövqelərdən biridir”.
O əlavə edib ki, müdafiəçilər oyun boyu maksimum diqqətli olmalı olur:
“Müdafiəçi kimi oyunu bitirəndə başın ağrıyır, çünki hücumçudan daha çox fokuslanmalısan. Hücumçu 10 səhv edə bilər və bu, nəticəyə təsir etməz, amma müdafiəçi üçün bir səhv kifayətdir”.
Sabiq futbolçu zarafatla bildirib ki, bu məsələni Mbappe ilə şəxsən müzakirə edəcək.
Namiq HUN
