Avropa nəhəngi gələcəyini Verbruggenə tapşırır!
“Bavariya” klubunda Noyer sonrası əsas namizəd müəyyənləşib.
TodayPress TV “TEAMtalk”a istinadən xəbər verir ki, Münhen təmsilçisi Manuel Noyerdən sonra qapının torunu “Brayton" klubunun qolkiperi Barta Verbruggenə tapşırmağı planlaşdırır.
21 yaşlı niderlandlı qolkiper perspektivli namizəd kimi klubun qısa siyahısına daxil edilib.
Bununla yanaşı, futbolçunun menecerləri yay transfer pəncərəsi üçün digər variantları da nəzərdən keçirir. Verbruggenə “Tottenhem Hotspur” və “Nyukasl Yunayted” klubları da maraq göstərir.
Xüsusilə vurğulanır ki, “Tottenhem” futbolçunu Roberto De Zerbi “Brayton”a gəlməzdən əvvəl də izləyib və mütəxəssis qolkiperin imkanları ilə yaxından tanışdır.
Namiq HUN
