Qvatemalada 5,6 maqnitudada zəlzələ oldu
Qvatemalanın cənub-şərqində 5,6 maqnitudada zəlzələ baş verib.
TodayPress TV xəbər verir ki, bu barədə ABŞ Geoloji Xidməti məlumat yayıb.
Yeraltı təkanların episentri Qvatemala departamentinin 618 min nəfərdən çox əhalisi olan Villa Nueva şəhərindən 4,7 km şimal-şərqdə, ocağı isı 10 km dərinlikdə yerləşib.
Bildirilir ki, son bir saat ərzində ölkə ərazisində silsilə zəlzələlər qeydə alınıb. Bundan əvvəl Qvatemala şəhərindən 40 km aralıda yerləşən Eskuintla departamentində 5,2 bal gücündə yeraltı təkanlar olub.
Tələfat və dağıntılar barədə məlumat yoxdur.
