Litva köhnə tipli Rusiya pasportlarını qəbul etməyəcək
Litva köhnə – yəni biometrik məlumatlar olmayan Rusiya xarici pasportlarına sahib şəxslərin ölkəyə girişinə qadağa qoyub.
TodayPress TV xəbər verir ki, bu barədə “TASS” agentliyi məlumat yayıb.
Yeni qaydalar 31 may tarixindən qüvvəyə minib. Litva bu addımı atmaqla Danimarka, İslandiya, Çexiya, Fransa və Estoniyanın mövqeyinə qoşulmuş olur. Həmin ölkələr də biometrik olmayan rus pasportlarını tanımırlar.
Litva Xarici İşlər Nazirliyi əlavə edib ki, bu məhdudiyyət Kalininqrad vilayətinə və ya oradan tranzitlə keçən Rusiya vətəndaşlarına şamil olunmur. Bundan başqa, Litvada yaşamaq icazəsi olan rusiyalıların 1 dekabra qədər biometrik pasport almaları tələb olunur.
Qiymət Mahir
