İndoneziyada torpaq sürüşməsində 14 nəfər öldü
İndoneziyanın Qərbi Yava əyalətində karxanada baş verən torpaq sürüşməsi nəticəsində 14 nəfər ölüb, 11 nəfər hələ də itkin hesab olunur.
TodayPress TV xəbər verir ki, mayın 30-da baş verən təbii fəlakətdən sonra ərazidə axtarış-xilasetmə işləri davam edir. Torpaq axını altında qalanların xilası üçün işlər sürətlə aparılır. Axtarış işlərinə xilasedicilərlə yanaşı, hərbçilər, polis işçiləri də cəlb olunub.
Yağışlı hava şəraiti təkrar sürüşmə ehtimalını artırır.
