Hindistanda COVID-19-a yoluxanların sayı kəskin artdı

Hindistanda COVID-19-a yoluxma hallarında kəskin artım qeydə alınıb və ümumi say 3,395-ə çatıb.

TodayPress TV xəbər verir ki, bu barədə “Business Standard” qəzeti Hindistanın Səhiyyə Nazirliyinə istinadən məlumat yayıb.

Departamentin məlumatına görə, ən çox yoluxma Kerala (1336) və Maharaştra ştatlarında (467), eləcə də paytaxt Dehli regionunda qeydə alınıb - 375. Son 24 saat ərzində COVID-19-dan dörd ölüm hadisəsi baş verib. Qucarat, Qərbi Benqal və Tamil Nadu ştatlarında da yoluxma sayının artdığı bildirilir.

Xatırladaq ki, ötən həftə ölkədə COVID-19-a yoluxanların sayı 257 nəfər olub. Beləliklə, 10 gündə bu rəqəm 10 dəfədən çox artıb.

Ölkənin Səhiyyə Nazirliyinin məlumatına görə, yeni yoluxma hallarının əksəriyyəti yüngül formadadır. Bununla belə, səlahiyyətlilər vətəndaşları ayıq-sayıq olmağa və ehtiyat tədbirlərinə - insanların sıx olduğu yerlərdə maska ​​taxmağa, sosial məsafəni qorumağa, əl və qapalı gigiyena qaydalarına riayət etməyə çağırıb.

Töhfə Səməd