Hindistan: Nə ABŞ, nə də Aİ bizə qarışa bilər
“ABŞ və Avropa İttifaqı (Aİ) Hindistanın hansı ölkə ilə ticarət aparacağına qərar verə və onun xarici siyasət qərarlarına qarışa bilməzlər”.
TodayPress TV xəbər verir ki, bunu “Hindu” qəzeti öz məqaləsində yazıb.
"Nə ABŞ, nə də Aİ Hindistanın hansı ölkə ilə əməkdaşlıq və ya ticarət əlaqələri quracağına qərar verə bilər", - deyə qəzet qeyd edib.
Nəşr həmçinin Hindistan Xarici İşlər Nazirliyinin bu yaxınlarda verdiyi bəyanatı xatırladıb:
"Xarici İşlər Nazirliyinin bəyanatı ABŞ-nin Hindistana qarşı getdikcə aqressiv mövqeyindən, o cümlədən immiqrasiya, ticarət danışıqları, Sindoor və Pakistan əməliyyatı və Hindistanın BRİKS-ə üzvlüyü ilə bağlı Yeni Dehlinin artan narazılığını göstərir".
Xatırladaq ki, avqustun 4-də ABŞ prezidenti Donald Tramp “Truth Social” sosial şəbəkəsində bildirib ki, Rusiya neftinin idxalı və yenidən satışı üçün Hindistana tarifləri xeyli artıracaq.
Aysel Mətləb
