Danışıqlarda Türkiyə tərəfindən iştirak edəcək rəsmilər bəlli oldu

Türkiyə Milli Kəşfiyyat Təşkilatının (MİT) rəhbəri İbrahim Kalın Rusiya və Ukrayna arasında İstanbulda keçiriləcək danışıqlarda iştirak etməyi, Türkiyənin xarici işlər naziri Hakan Fidan isə iclasa moderatorluq etməyi planlaşdırır.

TodayPress TV xəbər verir ki, bu barədə "TASS"a Türkiyə Xarici İşlər Nazirliyindəki mənbə bildirib.

"Türkiyə, Rusiya və Ukrayna nümayəndə heyətlərinin görüşü xarici işlər naziri Hakan Fidanın rəhbərliyi ilə saat 14:00-a (Bakı vaxtı ilə - red.) planlaşdırılıb. Açılış nitqi canlı yayımlanacaq. Görüşdə MİT direktoru İbrahim Kalının da iştirak edəcəyi gözlənilir", - mənbə bildirib.

Töhfə Səməd