Avstraliyada miqrasiya kəskin azaldı

2024-cü ildə Avstraliyada əhali artımı əvvəlki illərlə müqayisədə əhəmiyyətli dərəcədə zəifləyib. Rəsmi məlumatlara görə, bu azalma əsasən miqrasiyanın kəskin şəkildə aşağı düşməsi ilə bağlıdır.

TodayPress TV "Xinhua"ya istinadən xəbər verir ki, Avstraliya Statistika Bürosunun (ABS) açıqladığı rəqəmlərə görə, ölkə əhalisi 2024-cü ildə 1,7% artaraq 27,4 milyon nəfərə çatıb.

Bu, 2023-cü ildəki 2,4%-lik artımla müqayisədə əhəmiyyətli geriləmədir və 2021-ci ildən bəri ən zəif illik artım göstəricisidir.

ABS qeyd edib ki, beynəlxalq gəlişlər 19,5% azalıb, gedişlər isə 22% artıb.

Bundan əlavə, təbii artım (doğum və ölüm arasındakı fərq) nəticəsində ölkə əhalisinə 105,200 nəfər əlavə olunub. Ölkədə 2024-cü ildə 292,400 doğum və 187,300 ölüm qeydə alınıb.

Qiymət Mahir