"KIA" Rusiyada 55 350 avtomobili geri çağıracaq

"Kia" avtomobil markası Rusiya və Cənubi Koreyadakı mühərrik bölməsində yaranan qısaqapanma ehtimalını nəzərə alaraq 55 350 avtomobili geri çağırıb.

TodayPress TV xəbər verir ki, bu barədə Rusiyanın Texniki Tənzimləmə və Metrologiya üzrə Federal Agentliyi məlumat yayıb.

Bildirilib ki, geri çağırılma 2010-2016-cı illərdə satılan "Kia Sorento" (XM), "Soul" (AM) və "Cerato" (TD) modellərini əhatə edəcək.

"Nəqliyyat vasitələrinin geri çağırılmasının səbəbi mühərrik bölməsində yerləşən hidravlik elektron idarəetmə blokunun çap elektron lövhəsində potensial qısaqapanmadır", - məlumatda qeyd olunub.

Aynur TAC