Aİ və Yaponiya iqtisadi əməkdaşlığı gücləndirir

ABŞ prezidenti Donald Trampın tarif siyasətinin yaratdığı qlobal ticarət gərginliyi fonunda Avropa İttifaqı (Aİ) və Yaponiya iqtisadi tərəfdaşlıqlarını gücləndirdiklərini açıqlayıblar.

TodayPress TV xəbər verir ki, bu bəyanat 30-cu Aİ-Yaponiya sammitində verilib.

Avropa Komissiyasının sədri Ursula fon der Lyayen bildirib ki, dünya sürətlə dəyişir və belə vaxtda strateji tərəfdaşların əlaqələri daha da güclənməlidir. O, qlobal ticarət gərginliyinin və təchizat zəncirlərinin hələ də zəif olduğunu vurğulayıb və azad, ədalətli ticarətin qorunmasının vacibliyini qeyd edib.

Aİ və Yaponiya liderləri sammitdən sonra yaydıqları birgə bəyanatda çoxtərəfli ticarətə və Ümumdünya Ticarət Təşkilatına sadiq olduqlarını bildiriblər. Bu açıqlama, ABŞ-nin birtərəfli tarif siyasətinə dolayısı ilə cavab kimi qiymətləndirilir.

Türkan İsgəndərli