Mehmet Nuri Ersoy: “Türk filmlərini 170 ölkədə 1 milyard insan izləyib”

Türkiyənin Mədəniyyət və Turizm Naziri Mehmet Nuri Ersoy, İstanbulun Beykoz rayonundakı Bozdağ Filmi ziyarət edərək, Türk filmlərinin  dünya səhnəsində əldə etdiyi böyük uğurlar haqqında danışıb.

TodayPress TV xəbər verir ki, türk filmlərinin dünya miqyasında son 20 ildə əldə etdiyi böyük uğurları diqqətə çatdıran nazir, bu gün Diriliş Ertuğrul, Kuruluş Osman, Destan və Ateş Kuşları kimi layihələrin yalnız Türk izləyiciləri ilə kifayətlənməyib, eyni zamanda 170-dən çox ölkədə 1 milyarddan çox izləyiciyə çatdığını vurğulayıb. Bu dizilərin, artıq klassik reklam metodlarından daha təsirli bir tanıtım vasitəsinə çevrildiyini qeyd edib.

Ersoy, dünyada xüsusilə Amerika ilə yanaşı, Türkiyənin də yaxın rəqib kimi tanındığını bildirib:

“Türkiyə, dünya üzrə ən güclü  film bazarlarından birinə sahibdir və bu sahədəki gücü ilə tanınır,” – deyə Nazir qeyd edib.

“Filmlər vasitəsilə həmçinin turistlərə daha təsirli şəkildə çata bilirik. Bu, yalnız reklam deyil, eyni zamanda Türkiyənin gözəllikləri, mədəniyyəti və cazibədar məkanları ilə tanış olmaq istəyənlər üçün bir fürsət yaradır,” – deyə Ersoy bildirib.

Nazir  son 10 ildə Türk filmlərinin tanıtımda ciddi şəkildə istifadə edildiyini vurğulayıb və bunların turizm sahəsində də böyük təsir göstərdiyini bildirib. O, bu ilin əvvəlində, Antalya və İstanbul haqqında çəkilən mini-dizilərin 1,5 milyard görüntüləmə aldığını qeyd edib.

“Bu cür layihələr vasitəsilə artıq Türk diziləri ilə daha geniş bazarlara, xüsusilə hədəf ölkələrimizə çatmaq istəyirik,” – deyə Nazir əlavə edib.