Smartfon istifadəsini azaltmaq insanı xoşbəxt edə bilər

Yohannes Qutenberq Universiteti və Erlangen-Nürnberq Universitetinin tədqiqatçıları müəyyən ediblər ki, smartfondan və rəqəmsal mediadan qısa fasilə vermək sizi bir az daha ayıq və enerjili hiss etdirə bilər.

TodayPress TV xəbər verir ki, nəticələr "Communication Research" jurnalında dərc olunub.

Tədqiqatda 18-35 yaş arası 237 könüllü iki həftə boyunca gündəlik davranışlarını qeyd edib. İştirakçılar smartfon və sosial mediadan nə zaman ayrıldıqlarını, əhval-ruhiyyələrini, enerji və stress səviyyələrini qiymətləndiriblər. Ümumilikdə 12 mindən çox vəziyyət təhlil edilib.

Məlum olub ki, insanlar cihazlarını könüllü olaraq kənara qoyduqda və bildirişləri söndürdükdə, özlərini bir az daha enerjili və sosial aktiv hiss ediblər. Lakin bu müsbət təsir zəif olub və 2-3 saatdan sonra keçib. Stress səviyyəsi ilə smartfon fasiləsi arasında isə xüsusi əlaqə tapılmayıb.

Tədqiqatçılar vurğulayırlar ki, fayda əsasən şəxsi seçim azadlığı ilə bağlıdır.

Türkan İsgəndərli

TodayPress TV