Pişiyiniz siz evdə olmayanda nə edir? - Mütəxəssislər açıqladı
Mütəxəssislər pişiklərin düşünüldüyündən daha çox sahiblərinə və gündəlik rejimlərinə bağlı olduğunu bildirirlər.
TodayPress TV xəbər verir ki, sağlam yetkin pişiklər adətən 12-16 saat yatır, evdə tək qaldıqda isə pəncərədən çölə baxır, özünü təmizləyir, oynayır və ətrafı araşdırır.
Mütəxəssislərə görə, sağlam yetkin pişiyi adi iş günü ərzində evdə tək qoymaq, kifayət qədər su, yemək və təmiz qum olduqda, adətən problem yaratmır. Lakin pişiyi bir sutka və ya bir neçə gün nəzarətsiz saxlamaq tövsiyə edilmir.
Xüsusilə balaca və yaşlı pişiklər daha çox diqqət tələb edir. Uzunmüddətli təklik və stress iştahsızlıq, gizlənmə, həddindən artıq yalanma və digər davranış dəyişikliklərinə səbəb ola bilər.
