"Rabitəbank" II rübün yekunları üzrə maliyyə nəticələrini açıqlayıb

"Rabitəbank" ASC bu ilin II rübünün yekunları üzrə maliyyə nəticələrini açıqlayıb.

TodayPress TV xəbər verir ki, nəticələrə əsasən, Bank əsas göstəricilər üzrə artım dinamikasını qoruyub saxlayır.

Belə ki, yanvar-iyun aylarında "Rabitəbank" 6 milyon 831 min manat xalis mənfəət əldə edib.

Bankın aktivləri ötən ilin müvafiq dövrü ilə müqayisədə 4,4 % artaraq iyulun 1-nə 1 milyard 188 milyon manata çatıb.

Bankın kredit portfeli böyüyərək ötən ilin müvafiq dövrü ilə müqayisədə 19 % artıb. Nəticədə ümumi kredit portfeli 909 milyon 743 min manata yüksəlib.

Kredit portfelinin əsas hissəsini biznes kreditləri təşkil edir. Belə ki, biznes kreditləri portfeli 14 % artaraq 407 milyon 857 min manata, o cümlədən, istehlak kreditləri portfeli 26 % artaraq 329 milyon 386 min manata, ipoteka kreditləri isə 19 % artaraq 172 milyon 500 min manata çatıb.

Ümumi əmanət portfelinə nəzər saldıqda isə görürük ki, 2025-ci ilin 6 ayı ərzində fiziki şəxslər üzrə əmanətlər ötən ilin müvafiq dövrü ilə müqayisədə 7,6 % artaraq 499 milyon 698 min manata çatıb.

Bankın faiz gəlirləri ötən ilin analoji dövrü ilə müqayisədə 18,5 % artaraq 64 milyon 166 min manata çatıb.

Bankın məcmu kapitalına nəzər saldıqda isə görürük ki, ötən ilin eyni dövrü ilə müqayisədə 2 % artaraq 120 milyon 579 min manat olub.

Hazırda “Rabitəbank” 17 region və Bakı şəhəri üzrə ümumilikdə 28 xidmət məntəqəsi, 75 ATM-i, “Rabita Mobile” tətbiqi, İnternet Bankçılıq platforması, “RabitaBot” çatbotu və 133 nömrəli Çağrı Mərkəzi ilə öz müştərilərinə ən müasir standartlar səviyyəsində geniş spektrli bank xidmətləri təqdim edir.