Rafael Fiziyev: “İqnasio şou göstərmək istəyirsə, buna sevinirəm”

“Doğma divarlar arasında döyüşəcəm. Burada olduğum üçün xoşbəxtəm”.

TodayPress TV xəbər verir ki, bunu UFC döyüşçüsü Rafael Fiziyev Bakıda keçiriləcək turnirdən öncə təşkil olunan mətbuat konfransında deyib.

O, rəqibi ilə döyüşdən bonus qazanmaq istəyir:

“İqnasio şou göstərmək istəyirsə, buna sevinirəm. Əlavə bonus qazana bilərəm. Döyüşün ayaqüstə və ya güləş olacağını bilmirəm. Bunlar döyüşün gedişatından asılıdır. Qafqazda hamının qanında güləşmək də var. Azarkeşlər üçün maraqlı döyüşün olması üçün hər şey etməyə hazıram”.

Qeyd edək ki, Rafael Fiziyev yüngül çəki dərəcəsində İqnasio Baxamondeslə qarşılaşacaq. Bakı Kristal Zalında baş tutacaq turnir iyunun 21-də keçiriləcək. 

Namiq HUN