Messi və Suares öz futbol klubunu yaratdı

“İnter Mayami”nin hücumçuları Lionel Messi və Luis Suares birgə futbol klubu yaradıblar.   

TodayPress TV xəbər verir ki, bu barədə Suares şəxsi “X” hesabında məlumat verib. 

Yeni klub “Deportivo LSM” adlanır. “LSM” adı Messi və Suaresin adlarının baş hərflərindən ibarətdir.

Komanda Uruqvay futbolunun dördüncü divizionunda çıxış edəcək.   Klubun yaradılması təşəbbüsü əsasən Suaresə məxsusdur, Messi isə layihədə onun biznes partnyoru kimi çıxış edir. 

Qeyd edək ki, Messi “İnter Mayami”yə 2023-cü ilin yayında qoşulub.

O, ötən müddət ərzində 57 matçda 45 qol və 21 məhsuldar ötürmə ilə yadda qalıb. Suares isə 2024-cü ilin yanvarından Mayami təmsilçisində top qovur.

Luis meydana çıxdığı 56 oyunda 30 qol vurub və 20 assist edib.   

Namiq HUN