Hemilton komanda tarixində yeni antirekorda imza atdı

“Ferrari”nin pilotu Lyuis Hemilton İtaliya komandası üçün yeni antirekordun müəllifi olub. 

TodayPress TV xəbər verir ki, britaniyalı pilot “Formula-1” üzrə ABŞ Qran-prisində yarışı dördüncü pillədə başa vurub. 

O, “Skuderiya” ilə ardıcıl 19-cu yarışını podiumsuz bitirib.

Ona qədər oxşar göstərici fransalı pilot Didye Pironiyə məxsus olub. O, 1981–1982-ci illərdə “Ferrari”də çıxış edib və yalnız 19-cu yarışında - San-Marino Qran-prisində qalib gələrək podiuma qalxıb. Hemilton isə artıq bu göstəricini arxada qoyaraq “Ferrari” ilə daha çox yarış keçirib, amma hələ də mükafatçılar sırasına düşə bilməyib.

Qeyd edək ki, ABŞ Qran-prisində qələbəni “Red Bull”dan Maks Ferstappen bayram edib. “McLaren”in pilotu Lando Norris ikinci, “Ferrari”dən Şarl Lekler isə üçüncü yeri tutub.

Namiq HUN

TodayPress TV