Dünya çempionatı: Cüdo millimiz Almaniyaya uduzdu

Macarıstanda cüdo üzrə dünya çempionatında qarışıq komanda yarışı keçirilir.

TodayPress TV xəbər verir ki, 16 ölkənin qatıldığı Budapeşt mundialında Azərbaycan millisi artıq çıxışını başa vurub. 

Komandamız 1/8 finalda Almaniya yığmasına 1:4 hesabı ilə uduzub. Millimizin heyətində Zelim Kotsoyev (+90 kq) qalib gəldiyi halda, Elcan Hacıyev (90 kq), Fidan Əlizadə (57 kq), Aytac Qardaşxanlı (70 kq) və Nigar Süleymanova (+70 kq) məğlub olublar.

Qeyd edək ki, Azərbaycan cüdoçuları fərdi mübarizədə dünya çempionatının 3 bürünc medalını qazanıblar. Cüdoçularımızdan Zelim Tçkayev (81 kq), Elcan Hacıyev (90 kq) və Zelim Kotsoyev (100 kq) fəxri kürsünün üçüncü pilləsinə qalxıblar. Yığmamız komanda hesabında 14-cü olub.

Namiq HUN