“Real” Kurtua ilə anlaşdı
İdman
21.08.2025 09:00
Madridin “Real” klubu qapıçı Tibo Kurtua ilə yeni müqavilə barədə razılığa gəlib.
TodayPress TV xəbər verir ki, bu barədə jurnalist Saşa Tavolyeri sosial şəbəkə “X”də məlumat yayıb.
Bildirilir ki, tərəflər şifahi olaraq iki illik müqavilə barəsində razılaşıblar. Hazırkı müqavilənin müddəti isə 2026-cı ilin yayına qədərdir.
Daha əvvəl İspaniya nəhənginin “PSJ” qapıçısı Canluici Donnarummaya maraq göstərdiyi iddia olunurdu. Həmçinin bildirilir ki, Donnarummanın əsas namizədi “Mançester Siti” klubudur.
Qeyd edək ki, Kurtua 2018-ci ilin yayından “Real”ın heyətində çıxış edir. 33 yaşlı belçikalı futbolçu bütün turnirlərdə 289 oyuna çıxıb, 282 qol buraxıb və 114 görüşdə qapısını toxunulmaz saxlayıb.
Transfermarkt portalında futbolçunun bazar dəyəri 20 milyon avro qiymətləndirilir.
Namiq HUN
tag: Real Madrid,Tibo Kurtua,Qapıçı,Müqavilə,Todaypress.tv,