Qaxda avtomobilin vurduğu piyada xəstəxanada öldü
Qax rayonunda ölümlə nəticələnən yol-nəqliyyat hadisəsi baş verib.
TodayPress TV-nin məlumatına görə, hadisə bu gün saat 14 radələrində Qax rayonu ərazisində qeydə alınıb. Rayon sakini H.Bayramova idarə etdiyi "Nissan" markalı avtomobillə piyada, 43 yaşlı Maya Otaraşvilini vurub. Piyada aldığı xəsarətlərdən xəstəxanada ölüb.
Daxili İşlər Nazirliyinin (DİN) Mətbuat Xidmətinin regional qrupundan bildirilib ki, faktla bağlı cinayət işi başlanılıb, araşdırmalar aparılır.
