Tramp Kamboca və Tailandı münaqişəni həll etməyə çağırdı

ABŞ Prezidenti Donald Tramp Kambocanın Baş naziri Hun Manet ilə telefon danışığı aparıb.

TodayPress TV xəbər verir ki, bu barədə Amerika lideri "Truth" sosial şəbəkəsindəki hesabında yazıb.

"Kambocanın baş naziri ilə Tailandla müharibəni bitirmək barədə danışdım. İndi mən Tailandın baş nazirinin səlahiyyətlərini icra edən şəxslə atəşkəs və hazırda davam edən müharibəyə son qoyulmasını xahiş edəcəyəm", - Tramp qeyd edib.

"Hər iki tərəflə danışdıqdan sonra tezliklə atəşkəs, sülh və firavanlıq görəcəyik! Təsadüfən, biz hazırda hər iki ölkə ilə ticarət edirik, lakin müharibə vəziyyətində olsalar, onlarla heç bir sövdələşmə etmək istəmirik - və mən bunu onlara dedim! Mən çətin vəziyyəti sadələşdirməyə çalışıram! Bu müharibədə çox insan ölür", - ABŞ Prezidenti fikirlərini yekunlaşdırıb.