Təyyarədə doğulan uşaq öldü

Cənubi Koreyanın İnçon şəhərində polis, təyyarədə doğulan körpənin ölümü ilə bağlı araşdırma aparır. 

TodayPress TV xəbər verir ki, bu barədə "The Korean Herald" məlumat yayıb.

Hadisə "Jeju Air" aviaşirkətinə məxsus təyyarədə baş verib. Təyyarə Filippinin Anceles şəhərindəki Klark Beynəlxalq Hava Limanından havaya qalxıb. Uçuş zamanı 30 yaşlı qadın oğlan uşağı dünyaya gətirib. Lakin körpə ölü doğulub. 

Təyyarə endikdən sonra tibbi yardım göstərilsə də, körpənin ölüm faktı təsdiqlənib. Ailə üzvləri, ana, ata, qız övladı və qayınana birlikdə səyahət edirmiş.

İlkin ehtimala görə, doğuş vaxtından əvvəl baş verib və ölümə doğuş zamanı yaranan fəsadlar səbəb olub. Polis daha ətraflı məlumatı araşdırmadan sonra açıqlayacağını bildirib.

Türkan İsgəndərli