Pakistanda güclü yağışlar: 279 nəfər öldü
Pakistanda iyunun sonunda başlayan güclü musson yağışları nəticəsində azı 279 nəfər ölüb, 676 nəfər isə yaralanıb.
TodayPress TV xəbər verir ki, bu barədə ölkənin Milli Fəlakət İdarəsi məlumat yayıb.
Yağışlar 1500-dən çox binaya ziyan vurub. Yüzlərlə insan evlərini tərk etməyə məcbur olub. Heyvandarlıq və əkin sahələrinə də ciddi zərər dəyib.
Ən çox ziyan Pəncab əyalətində qeydə alınıb. Burada 151 nəfər həyatını itirib, 536 nəfər yaralanıb. Xayber-Paxtunxvada 64 nəfər ölüb, 80 nəfər xəsarət alıb.
Hakimiyyət orqanları xilasetmə işlərini davam etdirir. Meteoroloqların xəbərdarlığına görə, güclü yağışlar yaxın günlərdə də davam edəcək.
Türkan İsgəndərli
