NASA 3870 əməkdaşını itirə bilər

ABŞ-nin Milli Aeronavtika və Kosmik Tədqiqatlar İdarəsi (NASA) Tramp administrasiyasının federal işçi qüvvəsinin ixtisarına dair təşəbbüsü çərçivəsində təxminən 3870 əməkdaşını könüllü ixtisar proqramı ilə itirə bilər.

TodayPress TV xəbər verir ki, bu barədə "Bloomberg" məlumat yayıb.

Mənbəyə əsasən, bu rəqəm müraciətlərə baxıldıqca dəyişə bilər. NASA bildirib ki, ixtisarlara baxmayaraq, agentlik öz missiyalarının, xüsusilə Ay və Mars tədqiqatlarının davamlılığını təmin etməyə çalışır.

Proqrama əsasən, könüllü ayrılma iki mərhələdə həyata keçiriləcək və nəticədə NASA-nın təxminən 14.000 əməkdaşı qalacaq. İdarə bu addımın təşkilatın səmərəliliyini və maliyyə dayanıqlığını qorumaq məqsədi daşıdığını vurğulayıb.

Türkan İsgəndərli