Kreml Polşadakı prezident seçkilərinin nəticələrini şərh etdi

Polşada prezident seçkilərində Karol Navrotski qələbə qazanması ölkənin daxili işidir.

TodayPress TV “TASS”a istinadən xəbər verir ki, bu barədə Rusiya prezidentinin mətbuat katibi Dmitri Peskov bildirib.

“Bu, onların daxili işidir. İstədiklərinə səs verdilər", - Kremlin rəsmi nümayəndəsi seçkilərin nəticələrini şərh edərkən qeyd edib.

Eyni zamanda, Peskov əlavə edib ki, Kreml hazırda Polşada Rusiya ilə münasibətləri normallaşdırmağa çalışacaq siyasətçinin hakimiyyətə gəlməsi üçün heç bir ilkin şərt görmür. 

Qeyd edək ki, Dövlət Seçki Komissiyasının məlumatına görə, Polşada prezident seçkilərində Hüquq və Ədalət Partiyasının namizədi Karol Navrotski 50,9 faiz səslə qalib gəlib.

Nicat Osman