Kral III Çarlz Liverpuldakı hadisədən sarsılıb

Böyük Britaniya Kralı III Çarlz mayın 26-da Liverpul şəhərində baş verən avtomobil hadisəsi ilə bağlı dərin sarsıntı və kədər hissi keçirdiyini bəyan edib.

TodayPress TV xəbər verir ki, bu barədə "AFP" məlumat yayıb.

"Sevincli bir tədbirin belə faciəvi və dəhşətli şəkildə bitməsi olduqca sarsıdıcıdır", - deyə Kanadada səfərdə olan Kral Çarlz hadisə ilə bağlı yayımladığı bəyanatda bildirib.

Xatırladaq ki, 53 yaşlı britaniyalı şəxs Premier Liqada çempionluğu qeyd edən insanların arasına avtomobillə girərək onlarla şəxsin xəsarət almasına səbəb olub. Yaralananlardan bəzilərinin vəziyyəti ağırdır.

Sürücü saxlanılıb. Polis hadisəni terror aktı kimi araşdırmadığını və əlavə şübhəli şəxsin axtarışda olmadığını bildirib.

Töhfə Səməd