İran Qrossini nüvə obyektlərinə buraxmayacaq

İran artıq Atom Enerjisi üzrə Beynəlxalq Agentliyin (AEBA) Baş direktoru Rafael Qrossini öz nüvə obyektlərinə buraxmamaq qərarına gəlib.

TodayPress TV xəbər verir ki, bu barədə "Mehr" agentliyi ölkə parlamentinin vitse-spikeri Həmid-Rza Hacı Babaidən sitat gətirərək məlumat yayıb.

Bildirilib ki, hökumətin qərarı həmçinin AEBA-nın əvvəllər monitorinq apardığı obyektlərdə həyata keçirdiyi videomüşahidə sistemlərini də əhatə edir.

“İran artıq Rafael Qrossini öz nüvə obyektlərinə buraxmayacaq və həmin obyektlərdə videomüşahidə kameralarının quraşdırılmasına da icazə verməyəcək”, - deyə bildirilib.

Bu qərar, İsrail hakimiyyətinə aid sənədlərdə İranın nüvə sənayesi ilə bağlı məlumatların aşkarlanmasından sonra qəbul edilib.

Töhfə Səməd